ЦАХИМ СУРГАЛТЫГ ЧАНАР, ХҮРТЭЭМЖТЭЙГЭЭР ҮРГЭЛЖЛҮҮЛЭН ЯВУУЛАХ ТУХАЙ

       Монгол Улсын Засгын газрын 2020 оны 01 дүгээр сарын 26-ны өдрийн хурлын шийдвэр, Улсын онцгой комиссын 2020 оны 02 дугаар сарын 19-ний хурлын шийдвэр, БСШУСЯ-ны 2020 оны 03 дугаар сарын 02-ны өдрийн чиглэл хүргүүлэх тухай 2/1174 тоот албан бичиг, ШУТИС-ийн захирлын зөвлөлийн 2020 оны 03 дугаар сарын 03-ны өдрийн хурлын шийдвэрийг тус тус үндэслэн цахим хичээлийн чанар хүртээмжийг нэмэгдүүлэх зорилгоор дараах арга хэмжээг авч хэрэгжүүлэхийг нийт багш, ажилтан, албан хаагчдад даалгаж байна.Үүнд:

1. Өндөржүүлсэн бэлэн байдлын зэрэгт шилжсэнтэй холбогдуулан энэ чиглэлээр батлагдаж буй Монгол Улсын Засгийг газар, Улсын онцгой комиссын шийдвэрийг эцэг эх, суралцагчдад шуурхай мэдээлэх,
2. Мэргэжлийн байгууллагуудаас гаргасан эрүүл аюулгүй байдал, осол гэмтлээс урьдчилан сэргийлэх талаарх мэдээ мэдээлэл, зөвлөмжүүдийг эцэг эх, суралцагчдад шуурхай хүргэх,
3. Элсэлтийн ерөнхий шалгалт, түүний бүртгэлийн талаарх мэдээ мэдээллүүдийг цаг тухайд нь тогтмол хүргэх, эцэг эх асран хамгаалагчтай нь утсаар холбогдож зөвлөгөө өгөх,
4. Төгсөх ангийн суралцагчдад зориулан мэргэжлийн багш нар элсэлтийн ерөнхий шалгалтанд бэлтгэх хичээлүүдийг боловсруулан вэб-д байршуулан хэрэгжилтэд хяналт тавих,
5. 2019-2020 оны хичээлийн жилийн хаврын улирлын бүх түвшний сургалтын хичээлийн материалыг цахимаар байршуулан, боломжит бүх хэлбэрээр суралцагчдад хүргэх,
6. Цахим хичээлийн материалын агуулгыг хөтөлбөрийн зорилго, зорилттой уялдуулан товч тодохой, ойлгомжтой байдлаар бэлтгэж, суралцагчдад түүнийг хэрхэн судлах талаар заавар, зөвлөгөө тогтмол өгч суралцахад дэмжин туслах,
7. Цахим сургалтын үйл ажиллагааг цаашид хэвийн үргэлжлүүлэх, 3-р улирлын явцын дүн гаргаж мэдээлэх,  
8. Багш бүр хичээлийн агуулга, чанарт хяналт тавих, цаашид сургалтын үйл ажиллагаанд тогтмол ашиглах боломж бүхий “ЦАХИМ ХИЧЭЭЛИЙН САН” үүсгэж хадгалах,
9. Зайлшгүй хүндэтгэн үзэх шалтгаанаар ТВ хичээл болон, Сургуулийн вэб-д байршуулсан цахим хичээлийг судлах боломжгүй суралцагчдад утсаар болон цахимаар холбогдож зөвлөмж, анхааруулга тогтмол өгөх,
10. Цахим сургалтын хэрэгжилтийн талаар мэргэжлийн болон анги удирдсан багш нар судалгаа авч холбогдох мэдээ тайланг шуурхай гаргах,  
11. Цахим сургалтын үр дүнг тооцох, гэрийн даалгаврын явц, суралцагчдын оролцоонд тогтмол хяналт тавьж хариуцлагатай ажиллах,
12. Энэхүү албан даалгаврын биелэлтэнд хяналт тавин, хэрэгжилтийг 7 хоног тутам тайлагнаж ажиллах,

                                    ШУТИС-ИЙН АХЛАХ СУРГУУЛИЙН ЗАХИРГАА