ШУТИС-ийн Ахлах сургуулийн 2018-2019 оны хичээлийн жилийн  “ЭРДМИЙН БАЯР”-ын ёслолын үйл ажиллагаа амжилттай зохион байгуулагдлаа  

ШУТИС-ийн Ахлах сургуулийн 2018-2019 оны хичээлийн жилийн суралцагчдын төгсөлтийн “Эрдмийн баярын”-ын ёслолын үйл ажиллагаа 2019 оны 6-р сарын 13-ны өдөр амжилттай зохион байгуулагдав.

Эрдмийн баярын үйл ажиллагаанд:

• Шинжлэх ухаан технологийн их сургуулийн ректор доктор (Ph.D), профессор Б.Очирбат
• Шинжлэх ухаан технологийн их сургуулийн сургалт, оюутны асуудал эрхэлсэн дэд захирал, академич, шинжлэх ухааны доктор /Sc.D/, профессор Х.Энхжаргал
• Шинжлэх ухаан технологийн их сургуулийн номын сангийн захирал доктор (Ph.D), профессор Ч.Гульнар
• Ахлах сургуулийн “Эцэг эхийн зөвлөл”-ийн дарга Ж.Амарсайхан нар хүрэлцэн ирж төгсөгчдөд баяр хүргэж, сургамжит сайхан үгсээрээ үнэтэй зөвлөгөө өгч мэндчилгээ дэвшүүллээ.

 Ахлах сургуулийг амжилттай төгсөж байгаа 28 сурагч бүрэн дунд боловсролын үнэмлэхээ гардан авав.

            Өнгөрсөн 2017-2018 оны хичээлийн жилээс эхлэн Ахлах сургуулийн суралцагчид гүнзгийрүүлэн судалсан хичээлүүдээрээ ШУТИС-ийн бакалаврын сургалтын I курсийн математик 101, физик 101, хар зураг-1, хар зураг-2, уран зураг-1, уран зураг-2, дизайн зохиомжийн үндэс зэрэг хичээлүүдийн кредитийг дүйцүүлэн тооцуулах боломж бүрдсэн юм.  2019 оны 28 төгсөгчөөс их сургуулийн кредит дүйцүүлэн тооцуулах үнэмлэхээ 23 төгсөгч гардан авлаа.

           Төгсөгчдөөс олон улс, улс, хотын уралдаан олимпиадад оролцож амжилт гаргасан 12 суралцагчдад сургалтын төлбөрийн хөнгөлөлт олголоо. Мөн 10, 11-р ангийн суралцагчдаас 11 сурагч ирэх хичээлийн жилийн сургалтын төлбөрөөс хөнгөлөлт эдлэх эрхээр шагнагдав.

  Эрдмийн баярын үйл ажиллагааны үеэр суралцах хугацаандаа анги хамт олноо манлайлсан шилдэг суралцагчдаа шагнаж урамшуулав. Шинжлэх ухаан технологийн их сургуулийн Ахлах сургуулийн “Шилдэг төгсөгч” алтан медалиар 12б ангийн сурагч Амарсайханы Мандахнар шалгарч захирлын нэрэмжит шагналаар шагнагдсан.

            Мөн Монголын хүүхдийн ордны эрдэм алтан медалиар 12а ангийн сурагч Балжиннямын Аюурзана, Сэргэлэнгийн Есүдэр, 12б ангийн сурагч Амарсайханы Мандахнар, Сүхцэрэнгийн Дашдулам, Дэмбэрэлсайханы Дэлгэрсайхан нарын 5 сурагч шагнагдсан.

            Монголын Сурагчдын Холбооны “Шилдэг төгсөгч” алтан медалиар 12а ангийн сурагч Ганбатын Шинэбат, Энхтайваны Чингис, 12б ангийн сурагч Ундрахын Анужин нарын 3 суралцагч шагнагдав.

            Монголын Сурагчдын Холбооны “Авьяаслаг сурагч” алтан медалиар 12а ангийн сурагч Загарын Ананд, 12б ангийн сурагч Мягмарын Билгүүндалай, Ганбаатарын Оюун-Эрдэнэ нар шагнагдав.

            Энэхүү төгсөлт нь Шинжлэх ухаан технологийн их сургуулийн Ахлах сургуулийн 25 дахь төгсөлт юм. Төгсөлтийн арга хэмжээнд зориулан ахлах сургуулийн 10, 11-р ангийн суралцагчдаас төгсөж байгаа ах, эгч нар, найз нөхөд, хүндэт зочид төлөөлөгчид, эцэг эхчүүддээ ая дууны мэндчилгээ дэвшүүлсэн. Ийнхүү эрдмийн баярын үйл ажиллагаа урлагийн тоглолтоор үргэлжилж, баяр хөөр, дуу хуураар дүүрэн болж өндөрлөв.

            Бидний үйл ажиллагааг хүндэтгэн хүрэлцэн ирсэн хүндэт зочид, төлөөлөгчид, эцэг эхчүүд, суралцагчдадаа талархал илэрхийлье.

ШУТИС-ийн Ахлах сургуулийн захиргаа