Дэлхийн математикийн боловсролын салбарт нэр хүндтэй, Зүүн өмнөд азийн математикийн олимпиад болох SEAMO (Southeast Asian Mathematical Olympiad) 2025-ын нэгдүгээр шатны дүн гарч, манай сургуулийн сурагч амжилттай оролцлоо.

Тус олимпиадад дэлхийн 18 улсын 25,000 гаруй шилдэг сурагчид оюун ухаанаа сорьсноос Инженерийн бэлтгэл 10а ангийн сурагч Д.Цэнд-Аюуш өөрийн ур чадвараа батлан харуулж, II байр буюу Мөнгөн медаль хүртлээ.

SEAMO нь сурагчдын бүтээлч сэтгэлгээ, асуудал шийдвэрлэх чадварыг олон улсын түвшинд үнэлдэг систем бөгөөд сурагчдыг логик сэтгэлгээгээр нь эрэмбэлдэг томоохон шалгуур юм.

Сурагч Д.Цэнд-Аюуш олимпиадын дараагийн шат буюу "SEAMO X" олон улсын шигшээ тэмцээнд оролцох эрхээ албан ёсоор авлаа. Уг тэмцээн нь 2026 оны 1-р сард Индонез улс, Бали арал дээр зохион байгуулагдах бөгөөд улс бүрийн шалгарсан шилдгүүд өрсөлдөх юм.

Д.Цэнд-Аюушдаа баяр хүргэж, дараагийн шатны тэмцээнд нь өндөр амжилт хүсэн ерөөе!