ШУТИС-ИЙН АХЛАХ СУРГУУЛЬ ҮҮСЭН БАЙГУУЛАГДСАНЫ ТҮҮХТ  30 ЖИЛИЙН ОЙН ХҮРЭЭНД УЛСЫН ХЭМЖЭЭНИЙ ОНОЛ ПРАКТИКИЙН ЭРДЭМ ШИНЖИЛГЭЭНИЙ ХУРАЛ  ЗОХИОН БАЙГУУЛАВ

Монгол Улсад үндэсний инженер техникийн дээд боловсролтой мэргэжилтэн бэлтгэж эхэлсэн ШУТИС-ийн түүхт 60жил, Ахлах сургууль үүсэн байгуулагдсаны 30 жилийн ойн хүрээнд “Үр дүнд суурилсан шаталсан STEM сургалтаар суралцагчдын авьяас чадварыг хөгжүүлэх нь”, “Сургалтын технологийн шинэ үеийн шинэчлэл” сэдэвт эрдэмтэн багш,  судлаачдын улсын хэмжээний онол практикийн эрдэм шинжилгээний хурлыг 10 сарын 28-ны өдөр  Ахлах сургууль зохион байгууллаа.

Энэхүү эрдэм шинжилгээний хуралд Боловсролын хүрээлэн, ШУТИС, МУИС, АШУҮИС, ХААИС, СЭЗИС, Техник Технологийн дээд сургууль, Дарханы Технологийн дээд сургуулийн багш судлаачдын 25 өгүүллэг ирснээс 20 илтгэл хэлэлцүүлж, их сургууль, ахлах сургуулийн залгамж холбоог уялдуулан хөгжүүлж байгаа байдал, шаталсан сургалтанд тулгамдаж буй асуудлуудыг шийдвэрлэхэд сургуулиудын хамтын ажиллагааг идэвхижүүлсэн, багш эрдэмтэн судлаачид шинэ үеийн технологи, туршлагаа солилцсон, үр дүнгээ танилцуулж нийтэд түгээсэн өндөр ач холбогдол бүхий хурал боллоо.

Хуралд оролцож судалгааны ажлын сүүлийн үеийн үр дүнгээсээ хуваалцсан эрдэмтэн багш судлаач нарынхаа цаашдын эрдмийн ажилд нь өндөр амжилт хүсье.

Ахлах сургуулийн захиргаа