“АМЬДРАХ АРГА УХААН” СЭДЭВТ ЛЕКЦ, ЯРИЛЦЛАГА ЗОХИОН БАЙГУУЛАГДАВ.

      ШУТИС-ийн Ахлах сургуулийн 11в ангийн эцэг эхчүүд 2019-2020 оны хичээлийн жилд “Ангийн ажлын цаг”-аар өсвөр насны суралцагчдад зориулсан лекц сургалтуудыг  мэргэжлийн байгууллагуудтай хамтран зохион байгуулахаар төлөвлөсөн. Энэхүү ажлын хүрээнд 2019 оны 11-р сарын 18-ны өдөр “Dale Carnegie” сургалтын байгууллагатай хамтран “Амьдрах арга ухаан” сэдэвт лекцийг зохион байгуулав.

    Энэхүү лекцийг “Dale Carnegie” сургалтын төвийн сургагч багш доктор А.Даваасүрэн уригдан ирж суралцагчдад илтгэх, ярих ур чадвар, бусдад нөлөөлөх нөлөөллийн буюу манлайллын ур чадвар, харилцааны ур чадвар болоод стресс санаа зовнилоо хэрхэн шийдвэрлэх, өөрийнхөө санааг бусдад хэрхэн зөвөөр ойлгуулах гэх мэт хувь хүнд байх чухал ур чадваруудын талаар ярилаа. Мөн дээрх чадваруудыг суралцагчид өөртөө хэрхэн хэвшүүлж болох арга замыг зааж, өөрийгөө сорьж өөрийн харилцааны хуучин арга барилаа эвдэж эерэг харилцааг бий болгохыг уриалсан үр дүнтэй лекц боллоо.

Ахлах сургуулийн захиргаа