“МON-STREAM” үр дүнд суурилсан төсөлт хөтөлбөрийн шинэчлэлт” сэдэвт сургалт-семинар

          ШУТИС-ийн Ахлах сургууль нь “МON-STREAM” үр дүнд суурилсан төсөлт хөтөлбөрийг шинээр боловсруулан сургалтанд нэвтрүүлээд байгаа билээ.  2017-2018 оны хичээлийн жилээс эхлэн ахлах сургуулийн суралцагчид дизайн технологи, математик, физик, мэдээллийн технологи, хими, нийгмийн ухаан гэсэн хичээлүүдийн нэгдмэл агуулгаар бүтээл хийж онолын мэдлэгийг хэрхэн амьдралд хэрэглэж болох талаар суралцаж ирээдүйд эзэмших мэргэжлийнхээ суурь баримжааг олж авдагаараа энэхүү төсөлт сургалт нь онцлог юм.

          2020 оны 1-р сарын 6, 13, 17-ны өдрүүдэд Ахлах сургуулийн захирал доктор (Ph.D) Д.Буянтогтох, сургалтын менежер З.Нарантуяа, төслийн багийн ахлагч Э.Гансүх нар “МON-STREAM” үр дүнд суурилсан төсөлт хөтөлбөрийн шинэчлэлтийн талаар багш нарт сургалт зохион байгууллаа. Хэлэлцүүлгийн үр дүнд  STEAM сургалтын хамрах хүрээг өргөжүүлэн

1. Байгалийн ухаан
2. Техник технологи
3. IT инженер
4. Дижитал арт гэсэн дөрвөн чиглэлээр төсөлт ажил төлөвлөн хөтөлбөрөө хэрхэн шинэчлэн боловсруулах талаар ярилцаж, заавар зөвлөгөө өглөө. Энэ нь шинэ үеийн сургалтыг хэрэгжүүлэхэд багш сурган хүмүүжүүлэгчдэд шаардлагатай мэдээлэл өгсөн ач холбогдолтой, шинэлэг сургалт болов6

Багш нартаа эрдэм номын ариун үйлсэд амжилт хүсэж

Эрдэм билгийн гэгээн гэрлээ түгээж явахын ерөөл өргөе.

Ахлах сургуулийн захиргаа