БОЛОВСРОЛ, СОЁЛ, ШИНЖЛЭХ УХААН, СПОРТЫН ЯАМНЫ ДЭРГЭДЭХ БОЛОВСРОЛЫН ҮНЭЛГЭЭНИЙ ТӨВӨӨС “ДААЛГАВАР БОЛОВСРУУЛАХ АРГА ЗҮЙ” СЭДЭВТ СУРГАЛТ ЗОХИОН БАЙГУУЛАГДЛАА.

 Боловсролын үнэлгээний төвийн сургагч багш Нийслэлийн Сүхбаатар дүүргийн боловсролын хэлтсийн мэргэжилтэн Г.Нямсүрэн, 31-р сургуулийн сургалтын менежер Б.Сувдаа, 3-р сургуулийн сургалтын менежер Н.Гүррагчаа нар 2020 оны 01-р сарын 08-ний өдөр  “Үнэлгээний даалгавар боловсруулах арга зүй”  сэдэвт сургалт, семинарыг Ахлах сургуулийн багш нарт зохион байгууллаа.

Хичээл сургалтын явцад суралцагчдын давуу, сул талыг илрүүлэх, багш суралцагчийн хооронд эргэх холбоо тогтоох, суралцагчийн олж авсан мэдлэг, чадварын түвшинг хэмжих зорилгоор үр дүнгийн үнэлгээг явуулдаг билээ.

Үүнтэй холбоотойгоор сайжруулсан цөм хөтөлбөрийн хүрээнд боловсролын үнэлгээ түүний төрөл, хэлбэр, үнэлгээний даалгавар боловсруулах арга зүй зэргийг заасан нь цаашид багш нар бүлэг сэдвийн болон нэгж хичээлийн үнэлгээний даалгавар төлөвлөх, боловсруулахад ач холбогдолтой боллоо.

               Багш нарынхаа эрдэм номын их үйлсэд нь өндөр амжилт хүсье.

Ахлах сургуулийн захиргаа