Ахлах сургуулийн суралцагч, эцэг эхчүүдэд зориулан цувралаар хүргэж байгаа “Мэргэжил бүхэн сайхан” хэлэлцүүлэгт 2021.04.21-ний өдөр Үйлдвэр технологийн сургуулийн захирал доктор, профессор Ж.Туяацэцэг, дэд захирал доктор, дэд профессор П.Булга, хөнгөн үйлдвэрлэлийн технологи инженерчлэлийн салбарын эрхлэгч н.Батбаяр, хүнсний инженчлэлийн салбарын эрхлэгч н.Энхцэцэг, биотехнологи шим тэжээлийн салбарын эрхлэгч н.Майзул нар оролцлоо.

Энэ удаагийн танилцуулга нь тухайн сургуульд бэлтгэн гаргадаг мэргэжилтэн, мэргэжлийн онцлогоос гадна  ШУТИС-д бэлтгэн гаргадаг мэргэжил болон олон улсад магадлан итгэмжлэгдсэн хөтөлбөрүүдийн талаар танилцуулсан нь онцлог байв. 

Магадлан итгэмжлэгдсэн хөтөлбөрүүдийн талаарх мэдээлэл нь суралцагч нарын мэргэжил сонголтонд чухал нөлөөтэй байв.

Үйлдвэр технологийн сургууль 3 салбар чиглэлд 22 мэргэжлээр мэргэжилтэн бэлтгэж байна.

Үүнд:

1. Дизайн салбар 5 мэргэжлээр
2. Хүнсний үйлдвэрлэлийн салбар 8 мэргэжлээр,
3. Хөнгөн үйлдвэрлэлийн салбарын 9 мэргэжлээр

Дээрх мэргэжлүүдийн онцлогоос гадна хөдөлмөр нийгмийн хамгааллын институтээс гаргасан эрэлтттэй ажил мэргэжлийн судалгааг танилцуулж үйлдвэр технологийн салбар ямар эрэлт хэрэгцээтэй байгаа талаарх тодорхой ойлголтуудыг өглөө.

Мөн ШУТИС-д суралцсанаар тэтгэлэгт хөтөлбөрт хамрагдах боломжтой.

                                                              Ахлах сургуулийн захиргаа