Сурагчдын өвлийн амралт эхэлсэнтэй холбогдуулан болзошгүй

эрсдлээс урьдчилан сэргийлэх зөвлөмж:

        Сурагчдын өвлийн амралт эхэлсэнтэй холбогдуулан хүүхдийн аюулгүй байдлыг хангах, аливаа эрсдэлээс урьдчилан сэргийлэх чиглэлээр эцэг эх, асран хамгаалагч, сурагчдад зориулан дараах зөвлөмжийг хүргүүлж байна. Үүнд:

Ханиад томуунаас урьдчилан сэргийлэх

• Цаг агаарын нөхцөлд тохируулан дулаан хувцас, малгай, ороолт, бээлий тогтмол өмсөж хэрэглэх
• Өвчлөл ихтэй үед үзвэр, үйлчилгээ, олон нийтийн арга хэмжээнд оролцохгүй байх
• Гэртээ тогтмол чийгтэй цэвэрлэгээ хийх
• Гараа тогтмол савандаж угаах
• Царван сод давстай усаар амаа тогтмол зайлах

Хальтиргаа гулгаанаас сэргийлэх

• Хальтиргаа үүсэх эрсдэлтэй хашаа, гэрийн үүдний хэсгийн цас, мөсийг цэвэрлэх, зориулалтын материалтай гишгүүр байрлуулах

Ахуйн осол гэмтлээс урьдчилан сэргийлэх

• Цахилгааны утас, залгуур зэрэгтэй болгоомжтой харьцах
• Өрхий хэрэгцээнд хийн түлш, газ ашигладаг бол мэдрэгч дохиолол ашиглах
• Ахуйн хэрэглээний бодис, эм ариутгах, ороох боох материалыг хүүхдийн гар хүрэхгүй газарт хадгалах, гэртээ бензин болон шатах эрдсэл бүхий бодисыг хадгалахгүй байх
• Зайлшгүй тохиолдолд хэрэглэх эмнэлгийн анхны тусламж, эм, ороох, боох материалыг цэвэр орчинд хадгалж хугацааг тогтмол шалгаж байх

Зам тээврийн ослоос урьдчилан сэргийлэх

• Өвлийн улиралд зам хөндлөн гарахдаа үзэгдэх орчин хязгаарлагдахаас аль болох сэргийлж, гадуур хувцасны малгайг давхарлаж өмсөхгүй байх
• Зам гарах, замын хөдөлгөөнд оролцохдоо гар утсаа оролдохгүй байх, чихэвч зүүхгүй байх
• Машинаар замын хөдөлгөөнд оролцохдоо суудлын бүс зүүх

Гэмт хэрэг зөрчилд өртөж хохирохоос урьдчилан сэргийлэх

• Цахим орчинд донтохоос сэргийлж 2 цагаас илүү хугацаагаар гар утас PC тоглоом тоглохгүй байх
• Эцэг, эхийн зөвшөөрөлгүйгээр танихгүй хүнтэй ярих, дагаж явахгүй байх, ямар нэгэн зүйл авахгүй байх, ямар нэгэн зүйл өгөхгүй байх

ШУТИС-ийн харьяа ерөнхий боловсролын Ахлах сургуулийн захиргаа