ШУТИС-ийн харьяа Ерөнхий боловсролын Ахлах сургуулийн багш суралцагчид Чусон их сургууль, Сөүлийн үндэсний их сургуулийн бакалаврын хөтөлбөр, сургалтын үйл ажиллагаатай танилцаж, БНСУ-ын Бусан, Гуанжу, Чонжу, Сөүл хотоор аялах соёлын хөтөлбөрт хамрагдлаа. Суралцагчид маань Азийн соёлын төв, ерөнхийлөгчийн хөх ордон, солонгосын үндэсний тосгон, everland resort, Намсан цамхаг, далайн эргээр аялж дурсамж дүүрэн 8 өдрийг өндөрлүүллээ. Цаашид манай ахлах сургуулийн төгсөгчид Чусон их сургуульд суралцах хамтын ажиллагааны эхлэл тавигдлаа. Биднийг дэмжин ажилласан ШУТИС-ийн гадаад харилцаа, нийгмийн түншлэлийн албаны хамт олон, БУХС-ийн дэд профессор Б.Болормаа багш нарт талархал илэрхийлье.
Улсын Техник Технологийн XXV олимпиадын 2-ын даваа буюу Нийслэлийн Техник Технологийн олимпиадын “Дүрслэх урлагийн төрөлд” ШУТИС-ийн харьяа ЕБАС-ийн 12в ангийн сурагч Н.Эрхэмбилэг тэргүүн байр алтан медаль, М.Намуунзул хүрэл медаль дөрөвдүгээр байр, Г.Үжинмарал хүрэл медаль тавдугаар байр тус тус эзэллээ.
Баянгол дүүргийн “БАГА ОЛИМП” өсвөрийн аварга шалгаруулах “Самбо бөх”-ийн тэмцээнд Мөнгөн медаль хүртэж амжилт гаргасан 11б ангийн сурагч Б. Пүрэвдорждоо баяр хүргэж амжилт хүсье.
"Гар зургийн XV улсын олимпиад" болж өнгөрлөө.
"Ирээдүйн инженерүүд" улсын олимпиадад амжилттай оролцсон суралцагчдадаа баяр хүргэе.
ШУТИС-ийн Коосэн технологийн коллеж болон ахлах сургуулийн төгсөх ангийн суралцагчдын дунд зохион байгуулсан математикийн уралдаант сорилд тэргүүн байр эзэлсэн 12б ангийн суралцагч Т.Мөнхтүвшин, гутгаар байр эзэлсэн Ч.Мөнхбаяр, нийлбэр оноогоор тэргүүн байр эзэлсэн 12а ангийн суралцагчдадаа баяр хүргэе.
© 2024 Монгол Улсын Шинжлэх Ухаан Технологийн Их Сургууль, Мэдээллийн технологийн төв
